Aurreko sarreretan, ordutegi murrizketa zela eta gorputz hezkuntzako irakasleen egonezinaz hitz egin dudala probestu nahi dut gaian haratago joateko.
Denok ezagun dugu gorputz hezkuntzaren egoera nahiko berezia dela. Jende askok, eta are okerragoa dena, eskola askok ikasgai hau ordutegi betegarri bezala ikusten dute. Ikasleak erlaxatzeko modu erraz bezala ulertzen da, hau da, kirol apur bat eginez eta izerdi pixka bat botaz ikasleak gelara lasai itzul daitezen bilatzen da.
Baina hau aldatzeko ordua da. Frogatuta dago ikasgai honen bitartez ohitura osasuntsuak, elkarbizitza eta bestelako baloreak lantzen direla. Horretarako ondorengo sarreretan gorputz hezkuntza alternatibo bat proposatuko dut higienea, ohitura osasuntsuak, jolasak, jokoak, herri kirolak, euskal dantzak, ..., landuz.
Gorputz hezkuntzako ikasle onaren dekalogoa
ADITASUNA
• Azalpenak ematen diren bitartean, isilik eta adi egon behar da.
• Eskuarki, zerbait esan edo aipatzeak ez du ariketaren garapena oztopatzen. Dena dela, badira zenbait ariketa, isiltasuna eta arreta osoa eskatzen dituztenak.
ARAUDIA BETE
• Ariketa, jolas eta jokoen arauak bete behar dira
EMAITZAK ONARTU
• Irabaztea gutxienekoa dela jakinda, aldeko emaitzak behar bezala bideratu eta kontrakoak onartzen jakin behar dugu.
EKIPAMENDUA
• Gorputz heziketako saioetara beharreko ekipamendua ekarri behar da.
ALDAGELAK
• Saioaren amaieran aldageletara sartzen gara garbitzera eta ez jolastera edo denbora alferrik galtzera.
JOKOEN GORABEHERAK
• Edozein jolas edo kiroletan ari garela normaltzat jo behar ditugu suertatu litezkeen asmo txarrik gabeko jokaldi mingarriak (sarrera gogorrak, kolpeak, erorketak, ...) Egileak barkamena eskatu eta minduak barkatzen jakin behar du.
MATERIALA
• Materiala eta kirol instalazioak zaindu behar ditugu denonak dira eta.
• Materiala geuk erabiltzen dugunez geuk batu behar dugu.
INTERESA
• Interes berdina agertu behar da ariketa guztien aurrean, batzuk beste batzuk baino gusturago egiten baditugu ere.
JARRAIKORTASUNA
• Ezin da ibili saioaren dinamika behin eta berriro mozten komunerako baimena eskatuz. Beharrezkoa denean batera joaten gara guztiok ura edatera.
ERRESPETUA
• Kide guztien mugimenduzko ahalbide ezberdinak errespetatu eta guztien parte hartzea baloratzen jakin behar dugu azken emaitza kontuan izan gabe.
Informazio iturria